0
0
0
s2sdefault

En 2020, o 48,7% dos condutores que morreron en accidentes de tráfico consumira alcol, drogas ou psicofármacos: un 3,2% máis que en 2019, a pesar de que houbo un 25 % menos de desprazamentos

Prevencion de drogas e alcol nas autoescolas

O consumo de drogas e alcol ao volante é un grave problema na actualidade. Por elo, a Asociación Érguete, como leva facendo cada verán, comezou este mes un programa específico de prevención co alumnado de autoescolas de O Morrazo e Redondela. O obxectivo é axudar aos futuros e futuras condutoras a “ter consciencia dos perigos”, e loitar así contra unha “pandemia que non para e tamén mata moitas persoas”, conclúen dende o equipo de prevención da entidade.

En 2020, o 48,7% dos condutores que morreron en accidentes de tráfico consumira alcol, drogas ou psicofármacos: un 3,2% máis que en 2019, a pesar de que houbo un 25 % menos de desprazamentos na estrada como consecuencia da pandemia. Trátase de 291 automobilistas do total de 597 falecidos. Así o recolle a Memoria de achados toxicolóxicos en vítimas mortais de accidentes de tráfico 2020.

O 31 % dos falecidos consumira alcol, e un 20 % outras drogas. Entres estes últimos a substancia máis detectada é a cocaína (60,8 %) seguida do cannabis (53,3 %), mentres que entre os psicofármacos os máis habituais foron as benzodiacepinas (62,5 %), os antidepresivos (40 %) e os opioides (26,2 %). Ademais destaca que o 95 % das persoas falecidas neste tipo de accidentes eran homes.

Outro dato preocupante que deixa este informe é que durante os últimos dez anos o consumo de substancias nos condutores aumentou un 6,2 %. E a condución baixo o efecto de drogas ilegais creceu un 7,6 %, máis do dobre que a de alcol (3,1 %).

Dende a Asociación Érguete lembran que esta formación é moi importante na área de Vigo. O informe RiskMent que financiou a DGT en 2019 rexistraba na cidade e na súa área metropolitana ata 30 puntos de risco medio e alto de accidentes por alcol e drogas. “Isto indica que hai moito traballo por facer para salvar vidas previndo futuros accidentes”, afirman.

O programa de Érguete leva o nome de “Cambio de Sentido” e está financiado pola Xunta de Galicia. As autoescolas deste municipio que queiran solicitar este servizo deben poñerse en contacto coa Asociación a través do correo electrónico: Esta dirección de correo electrónico está siendo protegida contra los robots de spam. Necesita tener JavaScript habilitado para poder verlo.

0
0
0
s2sdefault

O equipo do programa PFIS da Asociación Érguete comezou esta mes unha formación en técnicas de relaxación con persoas do CIS de Vigo e das vivendas de apoio ao tratamento da entidade

xestion emocional asociacion erguete

“Aprender a canalizar as emocións é unha habilidade indispensable para as persoas en risco de exclusión”, afirman dende o equipo do programa PFIS da Asociación Érguete. Os e as profesionais que o integran están acostumados a traballar con problemas de conduta, de autocontrol, e de xestión das emocións na súa traxectoria con persoas en
contextos de prisión ou con problemas de adiccións.

A experiencia diaria con estas persoas foi a que lles convenceu de crear dentro do programa o proxecto Benestar: saúde, deporte e tempo libre. Un espazo onde traballar a saúde física e mental das persoas usuarias desenvolvendo as súas habilidades persoais, sociais, e culturais, así como creando un entorno no que se fomente un uso positivo do tempo libre. “Aprender estas técnicas é unha valiosa forma de contrarrestar as tensións, previr o estrés, alcanzar maior nivel de calma e canalizar de maneira positiva os pensamentos”, afirman.

Neste proxecto enmárcase a formación mensual en técnicas de relaxación que comezou nas instalacións da Asociación Érguete esta semana con persoas internas do CIS de Vigo, e usuarios e usuarias das vivendas de apoio ao tratamento da entidade na cidade, espazos adicados a axudar a estas persoas a abandonar o consumo e reactivar a súa vida. Estes talleres traballan con diversas materias como deporte, sexualidade, saúde mental, técnicas de relaxación, medio ambiente..

A través de sesións teóricas e prácticas buscan que estas persoas adquiran ferramentas que “enriquezan o seu día a día”, explican. Para elo, contarán con profesionais externos da entidade que poidan aportar “novas visión e metodoloxías”. Unha destas colaboradoras é a docente Teté Rubio, experta en técnicas respiración e relaxación para xestionar e canalizar de maneira positiva os pensamentos.

Na Asociación Érguete explican que as persoas participantes desfrutaron e aprenderon “moito” con esta actividade, e indican que están “desexando” participar nos próximos talleres e esperan que estes novos talleres axúdeos a mellorar na súa estancia na entidade e na súa vida en xeral.

O programa PFIS está subvencionado pola Xunta de Galicia.

0
0
0
s2sdefault

A entidade adaptou o seu servizo para continuar durante a crise sanitaria con formación presencial, pero tamén telemática, porque a “prevención non pode parar nunca”

3000 menores en talleres prevencion asociacion erguete

“A prevención é a mellor maneira de loitar contra unha adicción, e non debemos deixar de traballar con ela nunca”, explica unha das responsables do programa de prevención da Asociación Érguete, Laura Durán. Baixo esta premisa, dende a entidade afrontaron este curso escolar 2020/21 como un “reto” que debían superar. E que, finalmente, superaron. Máis de 3000 menores da área de Vigo asistiron a talleres de prevención de adiccións durante este ano educativo.

O alcance do servizo non se limita soamente a menores, as familias tamén son un obxectivo do equipo de prevención. “Canto mellor preparados están os pais e nais, mellor poden afrontar as conversación sobre adiccións cos seus fillos e fillas”, explica Durán. Durante este curso 423 familias asistiron a formacións específicas para tratar de entender unha adicción, para falar de novas tecnoloxías, de videoxogos… Moitos dos pais e nais, a raíz do confinamento, solicitaron asesoramento para xestionar o tempo que pasan os seus fillos e fillas diante das pantallas.

Ademais na Asociación Érguete tamén apostaron para educar en igualdade. A través de talleres con nenos e nenas de infantil e primaria traballaron cos estereotipos de xénero, coa identidade e o autocoñecemento, e analizaron as profesións e os xoguetes para eliminar prexuízos. Os resultados destas actividades foron “moi satisfactorios”, e cada un dos e das 328 menores que participaron demostraron que os “estereotipos pódense derrubar”.

3000 menores en talleres prevencion asociacion erguete 2

 

“Adaptar todos os nosos programas de prevención ás limitacións da pandemia foi difícil, pero non podíamos nin queríamos parar”, afirma a especialista da Asociación. Ata o ano pasado os talleres eran sempre presenciais e con moitas actividades colectivas, pero durante este curso non foi posible, aínda que se mantiveron talleres presencias, tamén tiveron que impartir por primeira vez moitas sesións de maneira online. “O máis difícil de impartir unha formación online, é facela amena para os nenos e nenas coa limitación da pantalla”, afirman, aínda que consideran que os resultados e a avaliación dos rapaces e rapazas “animan a seguir innovando”.

O servizo de prevención da Asociación Érguete divídese en tres equipos. Un adicado integramente ao Concello de Vigo e financiado polo mesmo, unha oficina técnica que traballa en varios municipios da provincia e está subvencionada pola Xunta de Galicia, e outro que funciona a través do apoio da Deputación de Pontevedra. Os concellos de Redondela e Moaña tamén destinan recursos para contar cun servizo de prevención da man da Asociación.

0
0
0
s2sdefault

O venres pasado fixeron o seu primeiro paseo de recoñecemento xunto a un experto de ADEGA, e volverán en outono para monitorizar o estado da flora, da fauna, e a calidade da auga.

Adopcion tramo rio Lagares Asociacion Erguete

As persoas usuarias da Asociación Érguete enfundáronse o venres o mono de traballo para patear e estudar durante toda a mañá un tramo do río Lagares. Ese espazo, tanto a auga como a vexetación que a rodea, son a súa responsabilidade desde que a entidade sumouse ao Proxecto Ríos de ADEGA, e adoptou o lugar para observalo e coidalo.

Esta é unha actividade máis no seu proceso dentro da entidade e que ten como obxectivo demostrarlles que, “con esforzo, todos e todas podemos contribuír a crear un mundo mellor”, explica a coordinadora da Asociación, Elvira Rivas. Segundo a experta este tipo de actividades son “moi satisfactorias”, nos procesos polos que pasan as persoas usuarias na entidade. “Sentir que axudan aos seus veciños e veciñas anímaos a continuar traballando para mellorar persoalmente”, afirma.

Adopcion tramo rio Lagares Asociacion Erguete 2

 

Para dous usuarios da entidade esta actividade está “moi ben”, xa que lles axuda “a deixar de pensar nas súas cousas por momentos”, e a aprender que o entorno que nos rodea “ten moito valor e debemos coidalo”. “Agora vemos as cousas doutra maneira”, afirman. Nunca antes tomaran mostras de auga, analizaran larvas de insectos, e trataran de recoñecer todas as especies vexetais que colorean a beira do río Lagares.

A actividade ubícase en dous programas de intervención da entidade, o Programa de Formación e Integración Social (PFIS), que traballa a mellora persoal con persoas que están a cumprir condenas en prisión en 2º grao penal, en 3º grao penal, en réxime de semiliberdade e/ou con medidas alternativas á privación de liberdade, e o programa de vivendas de apoio, no que usuarias e usuarios residen durante un ano en tres pisos que a Asociación ten en Vigo para deixar o consumo, e tratar de reconducir a súa vida.

A educadora social do PFIS, Ana Vázquez, explica que este tipo de programa funciona moi ben entre as persoas usuarias do seu programa porque reforza “os hábitos de coidado persoais”, indispensables para saír dun problema de adicción ou conduta, ademais de sumar “os hábitos de coidado ao entorno e ofrecerlles unha alternativa de ocio máis alá das substancias”. Agora, analizarán os datos en común na entidade, e volverán en outubro para seguir na súa actividade de estudo e observación. Despois entregarán todos os datos a ADEGA para que se sumen no Informe Anual sobre Ríos do Estado.

A actividade foi dirixida por Paco Bañobre, coordinado de grupos do Proxecto Ríos. Un programa coordinado por ADEGA e que ten como propósitos divulgar a situación ambiental dos nosos cursos fluviais, contribuír a incrementar a concienciación ambiental a través da participación cidadá e aportar solucións aos problemas asociados á auga e aos ríos, así como de convertese nun referente nos programas de educación e voluntariado ambiental. Na actualidade este proxecto está promovido pola Consellería de Medio Ambiente, Territorio e Infraestruturas a través dos organismos Augas de Galicia e Instituto de Estudos do Territorio.

O programa de vivendas está subvencionado pola Xunta de Galicia, Concello de Vigo, e o Fondo Social Europeo.

Adopcion tramo rio Lagares Asociacion Erguete 3

0
0
0
s2sdefault

A capital galega é unha das cidades europeas analizadas que mostra un maior crecemento na presenza da droga entre 2019 e 2020 segundo o informe do Observatorio Europeo das Drogas e as Toxicomanías. Tamén aumentou o consumo de alcol.

Presencia cocaina aguas residuais

A presenza de cocaína nas augas residuais de Santiago de Compostela é maior que antes da pandemia segundo o último informe do Observatorio Europeo das Drogas e as Toxicomanías. Como mínimo, a presenza de benzoilecgonina, o principal metabolito da cocaína, aumentou un 10% durante o 2020 respecto o 2019, un resultado que coloca a capital galega entre as cidades europeas estudadas cun maior incremento.

Estas cifras apoian a unha serie de observacións de varios países (Bélxica, Irlanda, España, Francia e Portugal) que, segundo se recolle no informe, apuntaban que o uso de cocaína “parecía aumentar durante a pandemia”, en relación a que os vendedores venden a droga en unidades máis pequenas e máis baratas que antes para adaptarse a redución dos ingresos durante a pandemia.

Para a coordinadora da Asociación Érguete, Elvira Rivas, estes datos mostran “máis que nunca”, que “nestes tempos tan duros que vivimos, a prevención é aínda máis importante que antes”. A traballadora social da entidade entende que a mellor maneira de loitar contra o consumo e os problemas adictivos é “unha aposta pola educación e por unha mellora da atención as persoas que sofren esta problemática”. “Cantos máis medios, interese e coñecemento teñamos mellor. Por iso, o primeiro paso para abordar este problema debe ser detectar a que se debe este incremento”, afirma.

O alcol tamén aumenta

A presencia de alcol nas augas residuais de Santiago de Compostela tamén aumentou respecto as cifras do ano pasado. Segundo o informe, o consumo desta bebidas diminuíu en media durante os primeiros meses da pandemia en Europa debido ao confinamento e a reducción do consumo de atracón en botellóns, pero, coa relaxación das medidas, a partir do verán o consumo repunta de maneira clara.

aumento consumo alcol